კონფიდენციალურობის პოლიტიკა

ბოლო განახლება: 19 ოქტომბერი, 2026

Levan Mosiashvili Art Gallery მართავს ამ მაღაზიასა და ვებსაიტს, მათთან დაკავშირებული ინფორმაციის, შიგთავსის, ფუნქციების, ხელსაწყოების, პროდუქტებისა და მომსახურებების ჩათვლით, რათა თქვენ, მომხმარებელს, შერჩეული სავაჭრო გამოცდილება შემოგთავაზოთ (შემდგომში — „სერვისები“). Levan Mosiashvili Art Gallery მუშაობს Shopify-ის პლატფორმაზე, რომელიც სერვისების მოწოდების საშუალებას გვაძლევს. კონფიდენციალურობის ეს პოლიტიკა განმარტავს, როგორ ვაგროვებთ, ვიყენებთ და ვამჟღავნებთ თქვენს პერსონალურ ინფორმაციას, როდესაც სტუმრობთ ან იყენებთ სერვისებს, ახორციელებთ შესყიდვას ან სხვა ოპერაციას, ან სხვაგვარად გვიკავშირდებით. თუ მომსახურების პირობებსა და ამ პოლიტიკას შორის წინააღმდეგობა არსებობს, თქვენი პერსონალური ინფორმაციის შეგროვების, დამუშავებისა და გამჟღავნების საკითხებზე უპირატესობა ენიჭება კონფიდენციალურობის ამ პოლიტიკას.

გთხოვთ, ყურადღებით გაეცნოთ კონფიდენციალურობის პოლიტიკას. სერვისებზე წვდომითა და მათი გამოყენებით ადასტურებთ, რომ წაიკითხეთ ეს პოლიტიკა და გესმით, როგორ ხდება თქვენი ინფორმაციის შეგროვება, გამოყენება და გამჟღავნება მასში აღწერილი წესით.

პერსონალური ინფორმაცია, რომელსაც ვაგროვებთ ან ვამუშავებთ

ტერმინით „პერსონალური ინფორმაცია“ აღვნიშნავთ ინფორმაციას, რომელიც თქვენი ან სხვა პირის იდენტიფიცირების საშუალებას იძლევა ან შეიძლება გონივრულად დაგიკავშირდეთ თქვენ ან სხვა პირს. ამ ცნებაში არ შედის ანონიმურად შეგროვებული ან დეიდენტიფიცირებული ინფორმაცია, რომლითაც თქვენი იდენტიფიცირება ან თქვენთან გონივრული დაკავშირება შეუძლებელია. იმის მიხედვით, თუ როგორ ურთიერთობთ სერვისებთან, სად ცხოვრობთ და რას უშვებს ან მოითხოვს მოქმედი კანონმდებლობა, შეიძლება შევაგროვოთ ან დავამუშაოთ ქვემოთ ჩამოთვლილი კატეგორიის ინფორმაცია, მათ შორის მის საფუძველზე გაკეთებული დასკვნები:

საკონტაქტო მონაცემები: სახელი და გვარი, მისამართი, ანგარიშსწორებისა და მიწოდების მისამართები, ტელეფონის ნომერი და ელფოსტის მისამართი.
ფინანსური ინფორმაცია: საკრედიტო და სადებეტო ბარათების, ფინანსური ანგარიშების ნომრები, საგადახდო ბარათისა და ფინანსური ანგარიშის მონაცემები, ოპერაციების დეტალები, გადახდის მეთოდი, გადახდის დადასტურება და სხვა საგადახდო მონაცემები.
ანგარიშის ინფორმაცია: მომხმარებლის სახელი, პაროლი, უსაფრთხოების კითხვები, პრეფერენციები და პარამეტრები.
ოპერაციების ინფორმაცია: ნივთები, რომლებსაც ათვალიერებთ, კალათაში ან სურვილების სიაში ამატებთ, ყიდულობთ, აბრუნებთ, ცვლით ან აუქმებთ, აგრეთვე თქვენი წინა ოპერაციები.
ჩვენთან მიმოწერა: ინფორმაცია, რომელსაც კომუნიკაციისას გვაწვდით, მაგალითად, მომხმარებელთა მხარდაჭერისთვის გაგზავნილ შეკითხვაში.
მოწყობილობის ინფორმაცია: მოწყობილობის, ბრაუზერისა და ქსელური კავშირის მონაცემები, IP მისამართი და სხვა უნიკალური იდენტიფიკატორები.
გამოყენების ინფორმაცია: როგორ და როდის ურთიერთობთ სერვისებთან ან გადაადგილდებით მათში.

პერსონალური ინფორმაციის წყაროები

პერსონალური ინფორმაცია შეიძლება მივიღოთ შემდეგი წყაროებიდან:

უშუალოდ თქვენგან: როდესაც ქმნით ანგარიშს, სტუმრობთ ან იყენებთ სერვისებს, გვიკავშირდებით ან სხვაგვარად გვაწვდით პერსონალურ ინფორმაციას;
ავტომატურად, სერვისების მეშვეობით: თქვენი მოწყობილობიდან, როდესაც იყენებთ ჩვენს პროდუქტებს ან მომსახურებას ან სტუმრობთ ვებსაიტებს, ასევე ქუქი-ფაილებისა და მსგავსი ტექნოლოგიების საშუალებით;
ჩვენი მომსახურების მიმწოდებლებისგან: როდესაც მათ კონკრეტული ტექნოლოგიის გამოყენებისთვის ვქირაობთ და ისინი ჩვენი სახელით აგროვებენ ან ამუშავებენ თქვენს პერსონალურ ინფორმაციას;
ჩვენი პარტნიორებისგან ან სხვა მესამე პირებისგან.

როგორ ვიყენებთ თქვენს პერსონალურ ინფორმაციას

იმის მიხედვით, თუ როგორ ურთიერთობთ ჩვენთან ან რომელ სერვისებს იყენებთ, პერსონალური ინფორმაცია შეიძლება გამოვიყენოთ შემდეგი მიზნებისთვის:

სერვისების მოწოდება, მორგება და გაუმჯობესება. პერსონალურ ინფორმაციას ვიყენებთ სერვისების მოსაწოდებლად, მათ შორის თქვენთან დადებული ხელშეკრულების შესასრულებლად, გადახდების დასამუშავებლად, შეკვეთების შესასრულებლად, თქვენი პრეფერენციებისა და საინტერესო ნივთების დასამახსოვრებლად, ანგარიშთან დაკავშირებული შეტყობინებების გასაგზავნად, შესყიდვების, დაბრუნების, გაცვლისა და სხვა ოპერაციების დასამუშავებლად, ანგარიშის შესაქმნელად, შესანარჩუნებლად და სამართავად, მიწოდებისა და დაბრუნება-გაცვლის ორგანიზებისთვის და მიმოხილვების გამოქვეყნების შესაძლებლობის უზრუნველსაყოფად. ინფორმაციას ასევე ვიყენებთ თქვენზე მორგებული სავაჭრო გამოცდილების შესაქმნელად, მაგალითად, თქვენს შენაძენებთან დაკავშირებული პროდუქტების შესათავაზებლად. ეს შეიძლება მოიცავდეს ინფორმაციის გამოყენებას სერვისების უკეთ მოსარგებად და გასაუმჯობესებლად.
მარკეტინგი და რეკლამა. ინფორმაციას ვიყენებთ მარკეტინგული და სარეკლამო მიზნებისთვის, მათ შორის ელფოსტით, ტექსტური შეტყობინებით ან ფოსტით სარეკლამო მასალების გასაგზავნად და სერვისებში ან სხვა ვებსაიტებზე პროდუქტებისა თუ მომსახურების ონლაინ რეკლამის საჩვენებლად. რეკლამა შეიძლება ეფუძნებოდეს წინა შენაძენებს, კალათაში დამატებულ ნივთებსა და სერვისებში განხორციელებულ სხვა მოქმედებებს.
უსაფრთხოება და თაღლითობის პრევენცია. ინფორმაციას ვიყენებთ ანგარიშის ავთენტიფიკაციისთვის, უსაფრთხო გადახდისა და შეძენის უზრუნველსაყოფად, შესაძლო თაღლითური, უკანონო, სახიფათო ან მავნე მოქმედებების გამოსავლენად, გამოსაძიებლად ან მათზე რეაგირებისთვის, საზოგადოებრივი უსაფრთხოებისა და სერვისების დასაცავად. თუ სერვისების გამოყენებასა და ანგარიშის რეგისტრაციას გადაწყვეტთ, ანგარიშზე წვდომის მონაცემების უსაფრთხოებაზე პასუხისმგებელი ხართ თქვენ. გირჩევთ, არავის გაუზიაროთ მომხმარებლის სახელი, პაროლი ან წვდომის სხვა მონაცემები.
თქვენთან კომუნიკაცია. ინფორმაციას ვიყენებთ მომხმარებელთა მხარდაჭერისთვის, თქვენს შეკითხვებზე პასუხის გასაცემად, ეფექტიანი მომსახურების გასაწევად და თქვენთან საქმიანი ურთიერთობის შესანარჩუნებლად.
სამართლებრივი მიზნები. ინფორმაციას ვიყენებთ მოქმედი კანონმდებლობის შესასრულებლად ან კანონიერ სამართლებრივ მოთხოვნებზე, მათ შორის სამართალდამცავი და სახელმწიფო ორგანოების მოთხოვნებზე პასუხისთვის; სამოქალაქო საქმის ფარგლებში მტკიცებულებათა მოპოვების, შესაძლო ან მიმდინარე დავისა თუ სხვა შეჯიბრებითი სამართალწარმოების გამოსაძიებლად ან მასში მონაწილეობისთვის; ჩვენი პირობების ან პოლიტიკების აღსასრულებლად ან მათი შესაძლო დარღვევების გამოსაძიებლად.

როგორ ვამჟღავნებთ პერსონალურ ინფორმაციას

გარკვეულ გარემოებებში შეიძლება კანონიერი მიზნებისთვის, ამ პოლიტიკის დაცვით, მესამე პირებს გავუზიაროთ თქვენი პერსონალური ინფორმაცია. ასეთი გარემოებები შეიძლება მოიცავდეს ინფორმაციის გაზიარებას:

Shopify-სთან, მომწოდებლებსა და სხვა მესამე პირებთან, რომლებიც ჩვენი სახელით ასრულებენ მომსახურებას, მაგალითად, საინფორმაციო ტექნოლოგიების მართვას, გადახდის დამუშავებას, მონაცემთა ანალიზს, მომხმარებელთა მხარდაჭერას, ღრუბლოვან შენახვას, შეკვეთის შესრულებასა და მიწოდებას.
ბიზნესისა და მარკეტინგის პარტნიორებთან მარკეტინგული მომსახურებისა და თქვენთვის რეკლამის საჩვენებლად. მაგალითად, Shopify-ს ვიყენებთ მესამე პირების სერვისებში პერსონალიზებული რეკლამის მხარდასაჭერად, სხვადასხვა მოვაჭრესა და ვებსაიტთან თქვენი ონლაინ აქტივობის საფუძველზე. ჩვენი ბიზნესისა და მარკეტინგის პარტნიორები ინფორმაციას საკუთარი კონფიდენციალურობის წესების შესაბამისად გამოიყენებენ. საცხოვრებელი ადგილის მიხედვით შეიძლება გქონდეთ უფლება, მოგვთხოვოთ, არ გავაზიაროთ თქვენი ინფორმაცია სხვადასხვა მოვაჭრესა და ვებსაიტთან თქვენი ონლაინ აქტივობით განსაზღვრული მიზნობრივი რეკლამისა და მარკეტინგის საჩვენებლად. .
როდესაც მიგვითითებთ, გვთხოვთ ან სხვაგვარად ეთანხმებით კონკრეტული ინფორმაციის მესამე პირებისთვის გამჟღავნებას, მაგალითად, პროდუქტის მოსაწოდებლად, სოციალური მედიის ვიჯეტების ან ანგარიშზე შესვლის ინტეგრაციების გამოყენებით.
ჩვენს აფილირებულ პირებთან ან სხვაგვარად ჩვენი კორპორაციული ჯგუფის ფარგლებში.
ბიზნესოპერაციასთან, მაგალითად, შერწყმასთან ან გაკოტრებასთან დაკავშირებით; მოქმედი სამართლებრივი ვალდებულებების შესასრულებლად, მათ შორის სასამართლო უწყებებზე, ჩხრეკის ორდერებსა და მსგავს მოთხოვნებზე პასუხისთვის; მომსახურების შესაბამისი პირობებისა და პოლიტიკების აღსასრულებლად; სერვისების, ჩვენი უფლებებისა და მომხმარებლების ან სხვა პირების უფლებების დასაცავად.

Shopify-სთან ურთიერთობა

სერვისების ჰოსტინგს უზრუნველყოფს Shopify, რომელიც სერვისებზე თქვენს წვდომასა და მათ გამოყენებასთან დაკავშირებულ პერსონალურ ინფორმაციას აგროვებს და ამუშავებს სერვისების მოსაწოდებლად და გასაუმჯობესებლად. სერვისებისთვის მიწოდებული ინფორმაცია გადაეცემა და გაუზიარდება Shopify-ს, აგრეთვე მესამე პირებს, რომლებიც შეიძლება თქვენი საცხოვრებელი ქვეყნის გარეთ იმყოფებოდნენ, სერვისების მოწოდებისა და გაუმჯობესების მიზნით. ჩვენი ბიზნესის დასაცავად, გასავითარებლად და გასაუმჯობესებლად ასევე ვიყენებთ Shopify-ის გარკვეულ გაფართოებულ ფუნქციებს, რომლებიც ეფუძნება ჩვენს მაღაზიასთან, სხვა მოვაჭრეებთან და Shopify-სთან თქვენი ურთიერთქმედებიდან მიღებულ მონაცემებს. ამ ფუნქციების უზრუნველსაყოფად Shopify-მ შეიძლება გამოიყენოს თქვენსა და ჩვენს მაღაზიას, სხვა მოვაჭრეებსა და Shopify-ს შორის ურთიერთქმედების შესახებ შეგროვებული პერსონალური ინფორმაცია. ასეთ შემთხვევაში ამ ინფორმაციის დამუშავებაზე, მათ შორის აღნიშნული მიზნებისთვის მისი გამოყენების თაობაზე თქვენი უფლებების განხორციელების მოთხოვნებზე პასუხისთვის, პასუხისმგებელია Shopify. Shopify-ის მიერ თქვენი ინფორმაციის გამოყენებისა და თქვენი შესაძლო უფლებების გასაცნობად იხილეთ Shopify-ის მომხმარებელთა კონფიდენციალურობის პოლიტიკა. საცხოვრებელი ადგილის მიხედვით, გარკვეული უფლებებით სარგებლობა შეგიძლიათ Shopify-ის კონფიდენციალურობის პორტალზე.

მესამე პირების ვებსაიტები და ბმულები

სერვისები შეიძლება შეიცავდეს მესამე პირების მიერ მართულ ვებსაიტებსა და ონლაინ პლატფორმებზე ბმულებს. თუ გადახვალთ საიტზე, რომელიც ჩვენთან არ არის დაკავშირებული ან რომელსაც არ ვაკონტროლებთ, გაეცანით მის კონფიდენციალურობისა და უსაფრთხოების პოლიტიკებსა და სხვა პირობებს. არ ვიძლევით გარანტიას და არ ვიღებთ პასუხისმგებლობას ასეთი საიტების კონფიდენციალურობასა ან უსაფრთხოებაზე, მათ შორის იქ განთავსებული ინფორმაციის სიზუსტეზე, სისრულესა თუ სანდოობაზე. საჯარო ან ნაწილობრივ საჯარო სივრცეებში, მათ შორის მესამე პირების სოციალურ ქსელებში გაზიარებული ინფორმაცია შეიძლება ხელმისაწვდომი იყოს სერვისების ან იმ პლატფორმების სხვა მომხმარებლებისთვისაც, ჩვენ ან მესამე პირების მიერ მისი გამოყენების შეზღუდვის გარეშე. ამ ბმულების ჩართვა თავისთავად არ ნიშნავს შესაბამისი პლატფორმის შიგთავსის, მფლობელის ან ოპერატორის მხარდაჭერას, გარდა სერვისებში პირდაპირ მითითებული შემთხვევებისა.

ბავშვების მონაცემები

სერვისები ბავშვებისთვის არ არის განკუთვნილი და შეგნებულად არ ვაგროვებთ პერსონალურ ინფორმაციას იმ ბავშვების შესახებ, რომლებსაც თქვენი იურისდიქციით განსაზღვრული სრულწლოვანების ასაკისთვის არ მიუღწევიათ. თუ ხართ ბავშვის მშობელი ან მეურვე და ბავშვმა პერსონალური ინფორმაცია მოგვაწოდა, მისი წაშლა შეგიძლიათ მოითხოვოთ ქვემოთ მოცემული საკონტაქტო მონაცემებით. ამ პოლიტიკის ამოქმედების თარიღისთვის ჩვენთვის ფაქტობრივად ცნობილი არ არის, რომ „ვაზიარებთ“ ან „ვყიდით“ — მოქმედი კანონმდებლობით ამ ტერმინებისთვის მინიჭებული მნიშვნელობით — 16 წლამდე პირების პერსონალურ ინფორმაციას.

ინფორმაციის უსაფრთხოება და შენახვა

გაითვალისწინეთ, რომ უსაფრთხოების არცერთი ზომა არ არის სრულყოფილი ან შეუღწევადი და „სრულყოფილ უსაფრთხოებას“ ვერ ვიძლევით. გარდა ამისა, გადაცემისას თქვენ მიერ გამოგზავნილი ინფორმაცია შეიძლება დაცული არ იყოს. გირჩევთ, სენსიტიური ან კონფიდენციალური ინფორმაცია დაუცველი არხებით არ გამოგვიგზავნოთ.

პერსონალური ინფორმაციის შენახვის ხანგრძლივობა დამოკიდებულია სხვადასხვა ფაქტორზე, მათ შორის იმაზე, გვჭირდება თუ არა იგი თქვენი ანგარიშის შესანარჩუნებლად, სერვისების მოსაწოდებლად, სამართლებრივი ვალდებულებების შესასრულებლად, დავების გადასაწყვეტად ან სხვა შესაბამისი ხელშეკრულებებისა და პოლიტიკების აღსასრულებლად.

თქვენი უფლებები და არჩევანი

საცხოვრებელი ადგილის მიხედვით, თქვენს პერსონალურ ინფორმაციასთან მიმართებით შეიძლება გქონდეთ ქვემოთ ჩამოთვლილი უფლებების ნაწილი ან ყველა მათგანი. ეს უფლებები არ არის აბსოლუტური: შეიძლება მოქმედებდეს მხოლოდ გარკვეულ გარემოებებში და ზოგ შემთხვევაში კანონით ნებადართულ ფარგლებში თქვენი მოთხოვნა შეიძლება არ დავაკმაყოფილოთ.

წვდომის / ინფორმირების უფლება. შეიძლება გქონდეთ უფლება, მოითხოვოთ წვდომა თქვენს შესახებ ჩვენთან დაცულ პერსონალურ ინფორმაციაზე.
წაშლის უფლება. შეიძლება გქონდეთ უფლება, მოითხოვოთ თქვენს შესახებ დაცული პერსონალური ინფორმაციის წაშლა.
გასწორების უფლება. შეიძლება გქონდეთ უფლება, მოითხოვოთ თქვენს შესახებ დაცული არაზუსტი პერსონალური ინფორმაციის გასწორება.
გადატანის უფლება. გარკვეულ გარემოებებში და გამონაკლისების გათვალისწინებით, შეიძლება გქონდეთ უფლება, მიიღოთ ჩვენთან დაცული პერსონალური ინფორმაციის ასლი და მოითხოვოთ მისი მესამე პირისთვის გადაცემა.
საკომუნიკაციო პრეფერენციების მართვა. შეიძლება გამოგიგზავნოთ სარეკლამო ელწერილები. მათ მიღებაზე უარის თქმა ნებისმიერ დროს შეგიძლიათ წერილში მოცემული გამოწერის გაუქმების ფუნქციით. უარის შემთხვევაშიც შეიძლება მიიღოთ არასარეკლამო წერილები, მაგალითად, თქვენს ანგარიშთან ან განხორციელებულ შეკვეთებთან დაკავშირებით.

ამ უფლებებით სარგებლობა შეგიძლიათ სერვისებში მითითებული გზით ან ქვემოთ მოცემული საკონტაქტო მონაცემებით. Shopify-ის მიერ თქვენი პერსონალური ინფორმაციის გამოყენებისა და თქვენი შესაძლო უფლებების, მათ შორის Shopify-ის მიერ დამუშავებულ მონაცემებთან დაკავშირებული უფლებების შესახებ იხილეთ https://privacy.shopify.com/en.

ამ უფლებებით სარგებლობის გამო დისკრიმინაციას არ დაგიქვემდებარებთ. მოქმედი კანონმდებლობით ნებადართული ან მოთხოვნილი წესით, მოთხოვნის დამუშავებამდე შეიძლება თქვენი ვინაობის გადამოწმება დაგვჭირდეს. კანონმდებლობის შესაბამისად, თქვენი სახელით უფლებების განხორციელების მოთხოვნის წარდგენა შეგიძლიათ უფლებამოსილ წარმომადგენელს მიანდოთ. ასეთი მოთხოვნის მიღებამდე წარმომადგენელს მოვთხოვთ უფლებამოსილების დამადასტურებელ საბუთს და შესაძლოა თქვენი ვინაობის უშუალოდ თქვენთან გადამოწმებაც დაგვჭირდეს. მოთხოვნას ვუპასუხებთ მოქმედი კანონმდებლობით დადგენილ ვადაში.

საჩივრები

თუ გაქვთ პრეტენზია თქვენი პერსონალური ინფორმაციის დამუშავებასთან დაკავშირებით, დაგვიკავშირდით ქვემოთ მოცემული მონაცემებით. საცხოვრებელი ადგილის მიხედვით, შეიძლება გქონდეთ უფლება, გაასაჩივროთ ჩვენი გადაწყვეტილება ჩვენთან დაკავშირების გზით ან საჩივრით მიმართოთ მონაცემთა დაცვის ადგილობრივ ორგანოს.

საერთაშორისო გადაცემა

გაითვალისწინეთ, რომ შეიძლება თქვენი პერსონალური ინფორმაცია თქვენი საცხოვრებელი ქვეყნის გარეთ გადავცეთ, შევინახოთ ან დავამუშაოთ.

თუ ინფორმაცია ევროპის ეკონომიკური სივრცის ან გაერთიანებული სამეფოს გარეთ გადაგვაქვს, დავეყრდნობით გადაცემის აღიარებულ მექანიზმებს, მაგალითად, ევროკომისიის სტანდარტულ სახელშეკრულებო დებულებებს ან, საჭიროების მიხედვით, გაერთიანებული სამეფოს შესაბამისი უფლებამოსილი ორგანოს მიერ გამოცემულ ეკვივალენტურ ხელშეკრულებებს, გარდა შემთხვევისა, როდესაც ინფორმაცია გადაეცემა ქვეყანას, რომელიც დაცვის სათანადო დონის მქონედ არის აღიარებული.

კონფიდენციალურობის პოლიტიკის ცვლილებები

შეიძლება პერიოდულად განვაახლოთ ეს პოლიტიკა, მათ შორის ჩვენი პრაქტიკის ცვლილების ასახვისთვის ან სხვა საოპერაციო, სამართლებრივი თუ მარეგულირებელი მიზეზით. განახლებულ პოლიტიკას გამოვაქვეყნებთ ამ ვებსაიტზე, შევცვლით „ბოლო განახლების“ თარიღს და მოგაწვდით შეტყობინებას მოქმედი კანონმდებლობის მოთხოვნის შესაბამისად.

კონტაქტი

თუ გაქვთ შეკითხვა კონფიდენციალურობის ჩვენი პრაქტიკის ან ამ პოლიტიკის შესახებ, ან გსურთ რომელიმე ხელმისაწვდომი უფლებით სარგებლობა, დაგვირეკეთ ნომერზე ან მოგვწერეთ ელფოსტაზე contact@levanmosiashvili.com, ან დაგვიკავშირდით მისამართზე 29 Giorgi Mazniashvili Street, 0102 T'bilisi, საქართველო.